Actualmente, a táboa periódica está organizada e subdividida en catro bloques dependendo do último orbital da configuración electrónica. Estes bloques denomínanse:

• Bloque s: nestes elementos o nivel enerxético máis externo corresponde a orbitais  s
• Bloque p:  nestes elementos o nivel enerxético máis externo corresponde a orbitais  p
• Bloque d: nestes elementos o nivel enerxético máis externo corresponde a orbitais d
• Bloque f: teñen dous electróns  s nos seus niveis enerxéticos máis externos ( n) e electróns  f en niveis máis interiores ( n-2). Algúns tamén teñen electróns d en niveis intermedios ( n-1).

A táboa periódica dos elementos é a maneira proposta por Dmitri Mendeléyev en 1869 para dispoñer os elementos químicos, que se ordenan polo seu número atómico, a súa configuración de electróns e as súas propiedades químicas. Desde a súa primeira aparición, esta táboa foi aumentando co descubrimento de novos elementos químicos, algúns presentes na natureza e outros orixinados polo home.

Aprende estes catro bloques da táboa periódica con este xogo interactivo e sitúaos no sitio que corresponda. 

Amplía ou reduce a imaxe co  zoom e axusta o seu tamaño á pantalla do teu dispositivo. Tamén podes accionar sobre a imaxe e arrastrala para centrala.